Sigurveig Pétursdóttir, sérfræðingur í bæklunarskurðlækningum með sérhæfingu í bæklunarlækningum barna, kemur til starfa á Læknastöðinni í október. Sigurveig hefur áratuga reynslu af bæklunarskurðlækningum og hefur starfað sem sérfræðingur á bæklunarskurðdeild Landspítala frá árinu 2002. Áður starfaði hún á bæklunarskurðdeild Akademiska sjukhuset í Uppsölum í Svíþjóð, meðal annars á barnabæklunardeild sjúkrahússins. Sigurveig lauk sérfræðinámi í bæklunarskurðlækningum í Svíþjóð og fékk sænskt sérfræðileyfi árið 1991 og íslenskt sérfræðileyfi árið 1992. Koma Sigurveigar er mikilvæg viðbót við starfsemi Læknastöðvarinnar og styrkir sérstaklega þjónustu við börn og ungmenni sem þurfa á mati og meðferð vegna bæklunarvandamála að halda. Nú þegar er hægt að senda tilvísanir til Sigurveigar á Læknastöðina.
Læknastöðin verður lokuð frá fimmtudeginum 24. september til og með mánudeginum 28. september vegna árshátíðarferðar starfsfólks. Opnað verður aftur samkvæmt hefðbundnum opnunartíma þriðjudaginn 29. september .
Ný og ítarleg upplýsingasíða um fremri krossbandaaðgerðir er nú komin í loftið á vef Læknastöðvarinnar Orkuhúsinu. Á síðunni má finna á einum stað upplýsingar um allt ferlið – undirbúning fyrir aðgerð, aðgerðardaginn sjálfan, fyrstu dagana og vikurnar eftir aðgerð og endurhæfingu. Þar er einnig fjallað um ýmis praktísk atriði sem gott er að hafa í huga fyrir og eftir aðgerð. Markmiðið með síðunni er að auðvelda þeim sem eru á leið í krossbandaaðgerð að undirbúa sig vel og hafa greiðan aðgang að skýrum og ítarlegum upplýsingum um ferlið. Læknastöðin Orkuhúsinu framkvæmdi um 270 aðgerðir á fremra krossbandi árið 2025, eða um 90% allra krossbandaaðgerða á Íslandi. Átta sérhæfðir bæklunarskurðlæknar framkvæma aðgerðirnar á Læknastöðinni. Skoðaðu nýju upplýsingasíðuna um fremri krossbandaaðgerðir hér.
Sigurveig Pétursdóttir, sérfræðingur í bæklunarskurðlækningum með sérhæfingu í bæklunarlækningum barna, kemur til starfa á Læknastöðinni í október. Sigurveig hefur áratuga reynslu af bæklunarskurðlækningum og hefur starfað sem sérfræðingur á bæklunarskurðdeild Landspítala frá árinu 2002. Áður starfaði hún á bæklunarskurðdeild Akademiska sjukhuset í Uppsölum í Svíþjóð, meðal annars á barnabæklunardeild sjúkrahússins. Sigurveig lauk sérfræðinámi í bæklunarskurðlækningum í Svíþjóð og fékk sænskt sérfræðileyfi árið 1991 og íslenskt sérfræðileyfi árið 1992. Koma Sigurveigar er mikilvæg viðbót við starfsemi Læknastöðvarinnar og styrkir sérstaklega þjónustu við börn og ungmenni sem þurfa á mati og meðferð vegna bæklunarvandamála að halda. Nú þegar er hægt að senda tilvísanir til Sigurveigar á Læknastöðina.
Læknastöðin verður lokuð frá fimmtudeginum 24. september til og með mánudeginum 28. september vegna árshátíðarferðar starfsfólks. Opnað verður aftur samkvæmt hefðbundnum opnunartíma þriðjudaginn 29. september .
