Umhverfisstefna

Markmið

Hjá Stoðkerfi ehf skal unnið markvisst að því:

Að öllum lögum og reglum um umhverfismál sé fylgt í rekstrinum.
Að taka ákvarðanir um starfsemi og rekstur m.t.t. umhverfissjónarmiða.
Að ráða inn sérfræðinga til að framkvæma nákvæmar mælingar á kolefnisspori fyrirtækisins.
Að efla umhverfisvitund starfsfólks og hvetja starfsmenn til að bera virðingu fyrir umhverfinu.
Að valdar séu umhverfismerktar vörur og þjónusta umfram annað við innkaup.
Að stuðla að hagkvæmri notkun aðfanga og tækjabúnaðar og lágmarka sóun á öllum sviðum.
Að flokka endurvinnanlegan úrgang þegar það er unnt.
Að skapa heilbrigt og gefandi starfsumhverfi.
Að vinna stöðugt að því að lágmarka kolefnisspor fyrirtækisins

Aðgerðir

Vöruinnkaup

Við vöruinnkaup skal velja vörur með viðurkenndum umhverfismerkjum þar sem kostur er og taka tillit til umhverfissjónarmiða jafnt sem kostnaðar og gæða. Ef þjónusta eða vörur eru sambærilegar ber að velja þann kost sem telst minnst skaðlegur umhverfinu. Dæmi:

Velja skal pappír með vistvæna vottun og draga úr pappírsnotkun eftir því sem kostur er.
Velja skal tölvu- og skrifstofubúnað með viðeigandi umhverfis- og orkusparandi merkingum þegar það er unnt.
Velja skal ræstivörur sem eru merktar með viðurkenndum umhverfismerkjum (t.d. Svansmerkinu).

Endurvinnsla

Lágmarka skal sóun, flokka endurvinnanlegan úrgang og skila til endurvinnslu í samræmi við settar reglur og aðrar leiðbeiningar. Öllum spilliefnum, svo sem rafhlöðum, prenthylkjum og ljósaperum, skal fargað á viðeigandi hátt.

Starfsfólk er hvatt til að prenta hvorki né ljósrita að óþörfu. Leitast skal við að endurnýta pappír og geyma skjöl frekar á rafrænu formi en pappír þegar það er hægt. Jafnframt skal draga úr notkun einnota aðfanga, svo sem borðbúnaðar.

Læknar nýti sér saumaefni sem eyðist sjálfkrafa þegar hægt er, bæði til að spara ferðir til okkar sem og efnispillingu.

Sorpflokkun

Sorpflokkun fer fram á eftirfarandi hátt:

Plast

Allar plastumbúðir annar plastúrgangur er flokkaður sérstaklega í viðeigandi ílát. Aðstaða til flokkunar er á öllum starfstöðvum og á kaffistofu. Tæmt daglega í endurvinnslugám.

Pappír

Reynt er að lágmarka notkun pappírs en á þeim stöðum sem unnið er með pappír, svo sem skrifstofurýmum, eru ílát til flokkunar. Aðstaða til flokkunar pappírsumbúða á kaffistofu. Tæmt daglega í endurvinnslugám.

Þegar Embætti landlæknis innleiðir að fullu nýja tilvísunargátt mun pappírsnotkun Stoðkerfis minnka um 80-90%

Spilliefni

Spilliefni, svo sem rafhlöður og prenthylki, er safnað og skilað á viðeigandi móttökustað.

Sóttmengaður úrgangur

Sóttmengaður úrgangur sem fellur til við starfsemina, svo sem nálar og æðaleggir, er safnað í þar til gerða poka og fargað hjá þriðja aðila.

Raftæki

Ónýtum raftækjum er safnað í viðeigandi spilliefnatunnu og skilað á móttökustað til endurvinnslu.

Dósir og flöskur

Áldósum og plast-/glerflöskum er safnað og farið með í endurvinnslu.

Annar úrgangur

Reynt er að halda óendurvinnanlegum úrgangi í lágmarki.

Sóun

Fara skal sparlega með vatn og orkuauðlindir, t.d. skal ekki láta vatn renna að óþörfu og slökkva á rafmagnstækjum og ljósum í lok vinnudags. Ennfremur skal fara sparlega með ræstiefni við uppþvott og ræstingar.

Samgöngur

Leitast er við að velja umhverfisvænar leiðir þegar ferðast er á vegum fyrirtækisins og samnýta ferðir þegar hægt er.

Starfsfólk skal hvatt til að velja helst vistvæna ferðamáta til og frá vinnu.

Aðgengi er að hleðslustöðum fyrir starfsfólk og skjólstæðinga sem eru á rafbílum.
Sturtuaðstaða og hjólageymsla er í boði fyrir starfsfólk.

Leitast er við að halda fjarfundi og sækja námskeið á netinu eftir því sem kostur er

Sótt námskeið á netinu er talið spara um 1,2 tonn CO₂-ígildi á ári samkvæmt útreikningum Avia (stafrænu kerfi Akademias námskeiða).

Læknar skulu einnig fylgja sjúklingum eftir með símtali þegar hægt er til að spara ferðir til okkar. Sjúklingar sem eru utan að landi skal vera vísað til næstu heilsugæslu í endurkomu til að spara ferðir.

Kolefnisspor, aðgerðir og markmið

Heildarmarkmið

Magn CO₂-ígildi sem sparað var á árinu vegna inngrips fyrirtækisins árið 2024 var 1,2 tonn (fyrir þau gildi sem mæld voru). Markmiðið er að vinna að nákvæmari mælingum á komandi árum og hækka þessa tölu ásamt því að skera niður kolefnisspor fyrirtækisins. Aðgerðir til að ná þessu markmiði fela í sér bættar samgöngulausnir, skilvirkari úrgangsstjórnun og aukna notkun rafrænna lausna.

Áætlanir og aðgerðir

Samgöngur starfsfólks

Markmið: Lækka losun sem hlýst af ferðum starfsfólks til og frá vinnu.
Aðgerðir:

Mæla losun sem hlýst af ferðum starfsfólks til og frá vinnu og meta hvert markmið ætti að vera um minnkaða losun.
Auka möguleika á fjarvinnu þar sem við á.
Hvatar til starfsfólks til að nýta sér vistvæna ferðamáta, s.s. almenningssamgöngur, hjól eða rafbíla.
Grænn samgöngusamningur til að styðja við bíllausa ferðamáta.

Áætluð minnkun: t.b.d (to be decided)

Úrgangur og aðföng

Markmið: Draga úr losun frá aðföngum og úrgangi.
Aðgerðir:

Mæla losun sem hlýst frá aðföngum og úrgangi og meta hvert markmið ætti að vera um minnkaða losun.
Endurskoða innkaup, með sérstakri áherslu á einnota heilbrigðisvörur, og auka hlutfall umhverfisvænna vara.
Bæta enn flokkun og endurvinnslu á úrgangi.
Minnka enn notkun á pappír og prentun í starfseminni með innleiðingu rafrænna lausna. Notkun mun lækka gríðarlega eftir innleiðingu nýs tilvísanakerfis frá Embætti Landlæknis.
Hafa upplýsingar fyrir sjúklinga aðgengileg á vefsíðu til að koma í veg fyrir prentun leiðbeininga.

Áætluð minnkun: t.b.d (to be decided)

Fræðsla og þátttaka starfsfólks

Markmið: Virkja starfsfólk í umhverfisstarfi fyrirtækisins.
Aðgerðir:

Árlegur fræðslufundur um umhverfisáhrif og ábyrgð.
Þátttaka starfsfólks í umhverfisátökum, s.s. hvatning til að fylgja góðum umhverfisvenjum í daglegum störfum.

Birting umhverfismarkmiða opinberlega

Aðgerð: Birt umhverfisstefnu opinberlega á heimasíðu fyrirtækisins.

Umhverfisstefna